Monday, June 16, 2025 
സൗദിയിൽ ട്രാഫിക് പിഴയുടെ പേരിൽ മെസേജിലൂടെയും ഫോൺ കോളിലൂടെയും ബന്ധപ്പെട്ട് തട്ടിപ്പു നടക്കുന്നതായി സൗദി ട്രാഫിക് വിഭാഗം അറിയിച്ചു.
ട്രാഫിക് പിഴ അടക്കണമെന്ന് പറഞ്ഞ് ഫോണിലേക്ക് വരുന്ന ഇത്തരം ലിങ്കുകൾക്കും ഫോൺ കോളുകൾക്കും മറുപടി നൽകരുതെന്ന് അവർ മുന്നറിയിപ്പ് നൽകി.
സൗദിയിൽ പിഴകൾ അടക്കാനുള്ള അംഗീകൃത സംവിധാനം "സദാദ് സിസ്റ്റം" ആണെന്നും നിയമ ലംഘനങ്ങൾ അറിയാനുള്ള ദേശീയ പ്ലാറ്റ്ഫോം "Efaa" ആണെന്നും ട്രാഫിക് വിഭാഗം ചൂണ്ടിക്കാട്ടി.
2024 ഏപ്രിൽ 18-ന് മുമ്പ് ട്രാഫിക് നിയമലംഘനങ്ങൾ നടത്തിയവർ 50% കിഴിവ് ലഭിക്കുന്നതിന് ഏതെങ്കിലും സൈറ്റുകളിൽ അപേക്ഷിക്കുകയോ ട്രാഫിക് ഡിപ്പാർട്ട്മെന്റിന്റെ ആസ്ഥാനം സന്ദർശിക്കുകയോ ചെയ്യേണ്ടതില്ലെന്ന് അവർ വിശദീകരിച്ചു.
2025 ഏപ്രിൽ 18 വരെ ഒരു അഭ്യർത്ഥനയും സമർപ്പിക്കാതെ തന്നെ കിഴിവ് സ്വയമേവ ദൃശ്യമാകുമെന്നും കൂടുതൽ വിവരങ്ങൾക്ക് ഔദ്യോഗിക പ്ലാറ്റ്ഫോമുകളിൽ അഡ്മിനിസ്ട്രേഷൻ്റെ അക്കൗണ്ട് പിന്തുടരണമെന്നും ട്രാഫിക് ആവശ്യപ്പെട്ടു.
