Monday, June 16, 2025 
മസ്കത്ത്: ഒമാനിൽ സമൂഹ മാധ്യമങ്ങൾ വഴി നടക്കുന്ന പുതിയ തട്ടിപ്പിനെ കുറിച്ച് മുന്നറിയിപ്പുമായി റോയൽ ഒമാൻ പൊലീസ്. ക്യാഷ് പ്രൈസ് വാഗ്ദാനം ചെയ്‌താണ് ഒരു ബാങ്കിന്റെ പേരിൽ മത്സരം നടക്കുന്ന്. എന്നാൽ, ഇത് തട്ടിപ്പാണെന്നും ഇതിൽ അകപ്പെടരുതെന്നും പൊലീസ് പ്രസ്‌താവനയിൽ പറഞ്ഞു. ഇത്തരം തട്ടിപ്പിനെ കുറിച്ച് ജാഗ്രത പാലിക്കണമെന്നും ക്രിമിനൽ ഇൻവെസ്റ്റിഗേഷൻസ് ആൻഡ് റിസർച്ച് ജനറൽ ഡിപ്പാർട്ട്മെന്റ് അറിയിച്ചു.
മത്സരത്തിൽ പണം സമ്മാനമായി ലഭിച്ചതായി കാണിച്ച് വ്യക്തികളുടെ ബാങ്കിങ് വിവരങ്ങൾ ചോദിച്ചറിയുകയും ഇത് ഉപയോഗിച്ച് പണം തട്ടിയെടുക്കുന്നു. ഇലക്ട്രോണിക് ലിങ്ക് നൽകിയാണ് വ്യക്‌തിപരവും ബാങ്കിങ് വിവരങ്ങളും കൈക്കലാക്കുന്നത്. വിശ്വാസ്യതവരുത്തുന്നതിനായി ഒടിപിയും തട്ടിപ്പ് സംഘം ദുരുപയോഗം ചെയ്യുന്നു. സംശയാസ്‌പദമായ സന്ദേശങ്ങൾ അവഗണിക്കണമെന്നും തട്ടിപ്പുകളെക്കുറിച്ച് അധികൃതരെ ഉടൻ വിവരം അറിയിക്കണമെന്നും പൊലീസ് എക്സിൽ ആവശ്യപ്പെട്ടു.
